ឆ្នាំ២០១១ យីអ៊ុន សុខ ពិសី ឡើងខ្ពស់ រកប្រាក់បានច្រើន ជាងរាល់ឆ្នាំ
Friday, 06 January 2012 14:14 ដោយៈ ហួន ស្រីលីន
ភ្នំពេញៈ តារាចម្រៀង ដែលមានឈ្មោះបោះសំឡេង និងមានភាពលេចធ្លោ នៅក្នុងផលិតកម្មសាន់ដេ កញ្ញា សុខ ពិសី បានបង្ហើបប្រាប់ថា កាលពីឆ្នាំ២០១១នេះ នាងទទួលបានភាពជោគជ័យ ទាំងការងារ និងកេរ្តិ៍ឈ្មោះ ហើយជាពិសេសនោះ គឺទទួលបានប្រាក់ចំណូលខ្ពស់ជាងរាល់ឆ្នាំ។
ជួបជាមួយមជ្ឈមណ្ឌល ព័ត៌មានដើមអម្ពិល តាមទូរស័ព្ទ នៅថ្ងៃទី៦ ខែមករា ឆ្នាំ២០១២នេះ តារាចម្រៀងមនោសញ្ចេតនា កញ្ញា សុខ ពិសី បានប្រាប់ឲ្យដឹងថា នៅក្នុងដើមឆ្នាំ២០១២នេះ គឺមានការមមាញឹកច្រើនមែនទែន ស្ទើរតែដកឃ្លាមិនរួច ព្រោះត្រូវចុះខនសឺតតាមខេត្តផង ត្រៀមបទចម្រៀង សំរាប់ឆ្នាំ២០១២ផង និងស្ពតពាណិជ្ជកម្មផង ពេលខ្លះឈឺក៏មិនមាន ពេលសំរាកដែរ។
តារាចម្រៀង ដែលទទួលបានការគាំទ្រច្រើន ពីស្រទាប់មិត្តយុវវ័យ បានបង្ហើបបែបលាក់លៀមថា "ក្នុងឆ្នាំ២០១១កន្លងទៅនេះ ខ្ញុំសង្កេតឃើញថា ទទួលបាន ជោគជ័យ ច្រើនជាងរាល់ឆ្នាំ ទាំងខ្សែភាពយន្ត បទចម្រៀង និងថតស្ពត ហើយជាពិសេសនោះ គឺខនសឺតតាមខេត្ត ហើយបើនិយាយ ពីប្រាក់ចំណួលរបស់នាងខ្ញុំវិញ គឺរកបានច្រើនជាទីគាប់ចិត្ត សក្តិសមនិងកម្លាំងដែលខំប្រឹង"។
តួឯកស្រីនៅក្នុងខ្សែភាពយន្ត រឿង "ព្រាយដែកគោល" បានបន្ថែមទៀតថា នៅក្នុងឆ្នាំ២០១២ ខាងមុខនេះ នាងខិតខំប្រឹងប្រែង ឲ្យអស់ពីសមត្ថភាព ដូចជាជ្រើសរើស បទចម្រៀងថ្មីបែ្លក, ផ្លាស់ប្តូស្ទាយតុបតែងខ្លួន ហើយអ្វីដែលប្លែកនោះ គឺនាងនឹងផ្លាស់ប្តូរស្ទាយ ដែលពីមុនច្រើនច្រៀងបទ មនោសញ្ចេតនា មកច្រៀងបទញាក់កន្ទ្រាក់ អារម្មណ៍វិញម្តង។
កញ្ញា សុខ ពិសី ជាតារាដែលមានភាពលេចធ្លោ នៅក្នុងផលិតកម្មសាន់ដេ និងទទួល បានការគាំទ្រច្រើនពីស្រទាប់មិត្ត យុវវ័យនោះ នាងបានសម្តែងជាតួឯក ក្នុងខ្សែ ភាព យន្តចំនួនបីរឿងគឺ រឿង«បារមីជំនៀងផ្ទះ» រឿង «ពិសសេ្នហ៍» និងទីបី គឺរឿង «ព្រាយដែកគោល» ដែលគ្រោង និងដាក់សម្ពោធ ក្នុងពេលឆាប់ៗ ខាងមុខនេះ តែម្តង៕
ប្រភព Dap-News
0 comments:
Post a Comment