ត្រៀមខ្លួន ទទូលយកបណ្តាញ សង្គមថ្មី ហើយឬនៅ?

 ត្រៀមខ្លួន ទទូលយកបណ្តាញ សង្គមថ្មី ហើយឬនៅ?

Friday, 16 December 2011 17:01 ដោយ៖ DAP

ប៉ុន្មានខែមកនេះ មានលេចឮដំណឹងថា ក្រុមហ៊ុន Microsoft នឹងបង្កើតនូវបណ្ដាញសង្គមថ្មីមួយ សម្រាប់ដាក់ឲ្យអ្នក ដែលនិយមលេងអ៊ីនធើណែតប្រើប្រាស់។
បើតាមការឲ្យដឹង បណ្តាញសង្គមនោះ មានឈ្មោះថា “SOCL”  ។ SOCL គឺជាប្រធានបទមួយ ដែលត្រូវបានក្រុមមនុស្ស Microsoft Fuse Lab ជាអ្នកធ្វើការស្រាវជ្រាវ ដែលក្នុងនោះផ្តោតទៅលើ ការស្រាវជ្រាវសង្គម “Social search” និងការសិក្សា “Learning” មានន័យថា SOCL មិនមែនគ្រាន់តែជាបណ្តាញសង្គមធម្មតាដូច Google+ ឬ Facebook ប៉ុណ្ណោះទេ។
Microsoft បានបញ្ជាក់ថា SOCL បានធ្វើការបញ្ចូលគ្នា នូវលក្ខណៈពិសេសជាច្រើនសម្រាប់ក្នុងការ ភ្ជាប់ទំនាក់ទំនងសង្គម ស្វែងរក ចែករំលែក ធ្វើការងាររួមគ្នា។ល។ សម្រាប់មុខងារ Video chat ដែលមាននៅលើបណ្តាញសង្គមនេះ គឺមានដូចទៅនឹង Google+ (Hangout) និង Facebook (Video Calling)  ប៉ុន្តែសម្រាប់ SOCL គឺ Video Party។
មិនដឹងថាតើ លោកអ្នកបានត្រៀមខ្លួនទទួលយកនូវអ្វីដែលថ្មីពី SOCL ហើយឬនៅ? សម្រាប់ខ្ញុំគឺត្រៀមខ្លួនរួចជាស្រេច៕

 ប្រភព  DAP NEWS

Posted in: បច្ចេកវីទ្យាថ្មីៗ