Samsung លក់ទូរស័ព្ទ បានចំនួន ៣០០លានគ្រឿង ក្នុងឆ្នាំ២០១១

Wednesday, 14 December 2011 09:00 ប្រែសម្រួល: ថន រីណា-Posted: ID-009 

 

 ជារឿងមិនធម្មតាមួយដែលក្រុមហ៊ុន Samsung បានប្រកាសថា ខ្លួនអាចលក់ទូរស័ព្ទ បានរហូតដល់ ៣០០លានគ្រឿងក្នុងឆ្នាំ២០១១នេះ។ ដោយមានមនុស្ស មួយចំនួនបានហៅរឿងនេះថា ជារឿងអច្ឆរិយ និងមិនគួរឲ្យជឿថា ត្រឹមរយៈពេលមួយឆ្នាំសោះ គេអាចលក់បានច្រើនដល់ថ្នាក់នេះ។
កាលពីចុងឆ្នាំ២០១០ នៅពេលដែល Samsung Galaxy S បានបង្ហាញវត្តមាន ក្រុមហ៊ុន បានលក់ផលិតផលនេះ ប្រហែលជា ២៨០លានគ្រឿង ហើយនៅក្នុងឆ្នាំ ២០១១នេះ ក្រុមហ៊ុន បានលក់ប្រភេទទូរស័ព្ទ Samsung Galaxy S2 បានចំនួន១០លានគ្រឿងទៀត ដែលនេះ ជាផទ្ឋផលមួយ ត្រូវបានចាត់បញ្ចូលទៅក្នុងកំណត់ត្រាពិភពលោកដ៏អស្ចារ្យមួយ។
លោក JK Shin អគ្គនាយកក្រុមហ៊ុន ទំនាក់ទំនងពាណិជ្ជកម្មទូរស័ព្ទដៃ Samsung បាននិយាយដោយទឹកមុខម៉ឺងម៉ាត់ថា ពួកយើងរំពឹងថា ភាពជោគជ័យនេះ វានឹងបន្តឆ្ពោះទៅ ឆ្នាំ២០១២ទៀត។
គួបញ្ជាក់ថា ចំពោះលទ្ឋផលជោគជ័យមួយនេះ វាអាចនឹងជាការចំអកមួយ ទៅកាន់ដៃគួប្រកួត ប្រជែង របស់ក្រុមហ៊ុន Samsung គឺ ក្រុមហ៊ុន HTC ដែលថ្មីៗនេះ បានបង្ហាញនូវប្រាក់ចំណូលរបស់ខ្លួន ក្នុងមួយឆ្នាំៗ បានធ្លាក់ចុះ២០ភាគរយ។ ហើយបើតាមរបាយការណ៍ ដែលចេញក្នុងខែវិច្ឆិកា ឆ្នាំ២០១១នេះ បានឲ្យដឹងថា ចំណូលរបស់ក្រុមហ៊ុន បានធ្លាក់ចុះ ៣០ភាគរយ៕

ប្រភព  DAP NEWS

Posted in: បច្ចេកវីទ្យាថ្មីៗ